Praza
San Marcial
Este mércores
ás 21.00h chega ao seu fin o VeráneArte 2012 organizado
por ESCUA, o final deste ano contará cunha petiscada a cargo
de Semente (con produtos ecolóxicos) e o I Festival
do Barbaña que porá fin ás actividades realizadas cada
luns e mércores de Xullo e Agosto polas organizacións que integran
o Espazo Cultural Alternativo.
O
I Festival do Barbaña contará coa participación de 10 grupos que
versionarán para o público temas de onte e hoxe e someterán a súa
arte á avaliación das e dos asistentes, así o público será
protagonista pois decidirá co seu voto varios dos premios entregados
ás e ós gañadores.
Dende
a Marcha Mundial das Mulleres participaremos neste I Festival do
Barbaña acompañadas de numerosas amigas para homenaxear ás Pussy
Riot represaliadas polo goberno e a xustiza rusas por cantar
contra o goberno e a igrexa. Apresentámonos a este festival co
grupo A Cona Armada e a canción Recortar,
recortarei.
Convidamos
a todas as que queirades pasar un rato divertido entre música e
reivindicación a pasar pola Praza de San Marcial a partir das
21.00h, petiscar algún dos produtos ecolóxicos que nos achegarán
as compañeiras de Semente e participar co voso voto no I Festival do
Barbaña.
Unha
aperta feminista!
Sem comentários:
Enviar um comentário