quarta-feira, 30 de dezembro de 2009

NA DEFENSA DA NOSA LINGUA







Hoxe mércores ás 17 horas, en Compostela na Praza do Obradoiro foi o lugar escollido polos cidadáns e a plataforma "Queremos Galego” para concentrarse nunha manifestación en defensa da lingua do noso país. Houbo tamén unha concentración diante do Pazo de Raxoi, mais nesta ocasión, Alberto Núñez Feijoo trocou o lugar da reunión do Consello da Xunta, por razóns obvias, ás instalacións da Xunta en San Caetano.

O presidente da Mesa pola Normalización Lingüística Carlos Callón, durante a súa intervención censurou a "política galegófoba" do actual Goberno e denunciou o ataque "contra a nosa lingua no ensino". E convidou á xente que acudiu á concentración a expresar o rexeitamento social á derrogación do decreto aprobado na anterior lexislatura. Recordan dende a Mesa que calquera proposta que vaia por debaixo do 50% de docencia no idioma propio do país, será "nula de pleno dereito", xa que vulnerará a Lei de Normalización Lingüística. A plataforma Queremos Galego anunciou a convocatoria dunha folga no ensino á volta das vacacións escolares. A data elixida para o paro nos centros será o vindeiro 21 de xaneiro. Esta acción de protesta fora xa anunciada por un dos colectivos integrantes da rede, a CIG-Ensino, e outros colectivos, como a Mocidade pola Lingua, fixeran tamén o seu propio chamamento á folga en todas as escolas do país.
Podedes consultar aquí a proposta de decreto contra o galego, en pdf na páxina da Xunta.

quinta-feira, 3 de dezembro de 2009

A AXENCIA EUROPEA PARA AS LINGUAS MINORIZADAS (EBLUL)

INSTA A XUNTA A ‘PÓR FIN ÁS INICIATIVAS QUE ADOPTOU CONTRA O GALEGO’ OU, DO CONTRARIO, DENUNCIARÁ A SITUACIÓN INTERNACIONALMENTE[27/11/2009]O Comité de Estado do EBLUL tomou o acordo por unanimidade, a proposta da Mesa pola Normalización LingüísticaO Comité do Estado español do EBLUL (European Bureau for Lesser-Ussed Lenguages – Axencia Europea para as Linguas Minorizadas) aprobou nunha reunión en Barcelona dirixirse á Xunta de Galiza para que “poña fin ás iniciativas que tomou nos últimos meses en contra do idioma galego”.O EBLUL, promovido polo Parlamento europeo e que ten o rango de entidade consultiva desta institución, do Consello de Europa e da ONU, considera “de especial gravidade” que o Goberno galego non estea a ter en conta o último ditame do Comité de Expertos do Consello de Europa sobre a situación lingüística de Galiza, emitido a finais do ano pasado. O organismo lembra que a Xunta non só non tomou as medidas recomendadas para mellorar a protección dos dereitos da comunidade lingüística galega, senón que se desmantelaron proxectos que foran eloxiados e considerados exemplares polo Consello de Europa, como as Galescolas.A resolución do Comité de Estado do EBLUL foi aprobada por unanimidade, a instancias da Mesa pola Normalización Lingüística. O representante galego, Carlos Callón, amósase “moi satisfeito” pola aprobación da resolución: “O ditame do EBLUL vénse unir a chamadas no mesmo sentido por parte da Real Academia Galega ou do Consello da Cultura Galega, alén do clamor manifestado en diferentes ocasións pola maioría da sociedade e das comunidades educativas”. “Sería bo para todas e todos que o presidente da Xunta escoitase”, conclúe o presidente da Mesa.TEXTO DA RESOLUCIÓN DO EBLULO Comité do Estado español do EBLUL (European Bureau for Lesser Ussed Lenguages – Axencia Europea das Linguas Minorizadas), reunido en Barcelona o 26 de novembro de 2009, ACORDA dirixirse á Xunta de Galiza para lle trasladar as seguintes solicitudes:·Animamos o Goberno galego a que desenvolva unha política lingüística de promoción e extensión social da lingua propia de Galiza, pondo fin ás iniciativas que tomou nos últimos meses en contra do idioma galego nos diferentes ámbitos.·Informamos á Xunta de Galiza de que as medidas adoptadas contra a lingua galega desde o pasado mes de abril supoñen unha vulneración de tratados internacionais sobre dereitos lingüísticos subscritos polo Estado español, como o Pacto internacional de dereitos civís e políticos ou a Carta europea de linguas rexionais ou minoritarias.·Neste sentido, resulta de especial gravidade que o Goberno galego non tivese en conta o último informe que o Comité de Expertos do Consello de Europa emitiu hai apenas uns meses sobre a situación lingüística de Galiza. Non é só que non se puxese en marcha ningunha das medidas recomendadas para dar cumprimento á Carta europea, senón que se desmantelaron algúns dos proxectos máis aplaudidos polo Consello de Europa, como as Galescolas, que era a única rede de ensino infantil que contemplaba con normalidade o uso do galego en cancións e xogos.·Se a Xunta continúa coa súa política de desprotección dos dereitos da comunidade lingüística galega e de incumprimento dos tratados internacionais sobre dereitos lingüísticos, desde o Comité de Estado do EBLUL trasladaremos esta situación aos diferentes foros internacionais en que se encontra presente.http://www.vieiros.com/nova/77397/a-axencia-europea-para-as-...

quarta-feira, 28 de outubro de 2009

Texto común BLOGUES POLA LINGUA

O domingo 18 de outubro entre 50.000 (cifra dada pola Policía Local de Compostela) e 100.000 (cifra dada pola organización) galegas e galegos, de diferentes adscricións ideolóxicas, estratos sociolóxicos, e usos da lingua, nos manifestamos na defensa do noso idioma fronte o reiterado ataque que está a sufrir por parte do goberno da Xunta de Galiza presidido por Alberto Núñez Feijóo (PP), convocadas e convocados pola Plataforma Cidadá Queremos Galego integrada por unha diversidade plural de centos de colectivos e persoas.

Os medios de comunicación públicos do noso país (a Radio Galega e maila Televisión de Galicia) non ofreceron unha información veraz que se axustase á realidade do verdadeiro impacto que tivo a mobilización, que contou cun resultado histórico en participación. Nese senso é preciso denunciar a obscena manipulación que por parte dos Servizos Informativos da TVG se quería levar a cabo, pretendendo iniciar unha conexión en directo coa manifestación, no momento xusto en que a primeira lectura do manifesto rematara, e as xentes que ateigaban a Praza da Quintana ían abandonándoa paulatinamente para permitir a entrada dos milleiros de persoas que inda non puideran entrar, e que agardaban nas Praza das Praterías e os seus arredores, e que finalmente encheron por segunda vez a Quintana. É evidente que a distorsión informativa tiña a intencionalidade de ofrecer unha imaxe minorizada dunha mobilización masiva, nun intento claro de manipulación que os milleiros de persoas presentes contestaron berrando, durante preto de dez minutos e con notábel indignación, a consigna "Televisión, manipulación", o que provocou que o equipo da TVG abandonase a praza.

Fronte a esa situación é preciso denunciar e difundir publicamente o acontecido, ao tempo que esixir que os medios de comunicación que pagamos todas e todos os galegos, deixen de ser un instrumento para a deformación interesada, cando non para a propaganda, en beneficio do Partido Popular no goberno do país.

Galerías fotográficas da manifestación (nas que se pode comprobar a asistencia):

http://www.xornal.com/album/2009/10/18/foto/2009101816281337296.html

http://www.anosaterra.org/nova/35944/fotogaleria-i-da-manifestacion-de-queremos-galego.html
http://www.anosaterra.org/nova/35948/fotogaleria-2-da-manifestacion-do-18-de-outubro.html
http://www.anosaterra.org/nova/35949/fotogaleria-3-da-manifestacion-do-18-de-outubro.html
http://www.anosaterra.org/nova/35950/fotogaleria-4-da-manifestacion-do-18-de-outubro.html
http://www.anosaterra.org/nova/35951/fotogaleria-5-da-manifestacion-do-18-de-outubro.html
http://www.anosaterra.org/nova/35952/fotogaleria-6-da-manifestacion-do-18-de-outubro.html
http://www.anosaterra.org/nova/35953/fotogaleria-7-da-manifestacion-do-18-de-outubro.html
http://www.anosaterra.org/nova/35954/fotogaleria-8-da-manifestacion-do-18-de-outubro.html
http://www.anosaterra.org/nova/35955/fotogaleria-9-da-manifestacion-do-18-de-outubro.html
http://www.anosaterra.org/nova/35956/fotogaleria-10-da-manifestacion-do-18-de-outubro.html

segunda-feira, 26 de outubro de 2009

18 de outubro

Saímos á rúa o 18 e sairemos todas as veces que sexa necesario. Seguiremos falando ben alto e claro!!!.


video

domingo, 25 de outubro de 2009

18/10/2009 GALEGO SEMPRE MAIS


Tivemos um tempo para alçar a nossa língua,
e esse tempo foi o da amarga derrota.
Tivemos um imenso, escuro tempo no caminho
para ocultar a nossas raízes dos seres que no-las cortam,
e esse tempo não foi perdido, criação de resistência nas sombras.
Tivemos um tempo pequeno para ser, dizer por nos mesmos
e comungar com um mesmo universo
dentro do mesmo oceano oposto
e esse tempo sim foi perdido, por viver no antigo sonho.
Temos um tempo agora para dizer não
para afirmar alto e claro quem somos
e mostrar ao mundo os nossos corações.
Ainda vamos ter uma oportunidade de abrir-nos a luz
E depois se fecharão, sem ranger, todas as portas.
Teremos, ainda assim, mais um tempo para concretizar
E de agora em adiante só de nós dependera
saber si queremos seguir tendo o tempo conosco..

Artur Alonso Novelhe

Clube dos poetas vivos

terça-feira, 20 de outubro de 2009