Dia de Rosalia em Vigo

A violencia machista non ten idade: erradiquémola!! 25N

MANIFESTO DA PGDA EN REXEITAMENTO AO PREMIO DE VIGUESAS DISTINGUIDAS Á RED MADRE

http://feminismo.eu/PlataformaAborto/manifesto-da-pgda-en-rexeitamento-ao-premio-de-viguesas-distinguidas-red-madre/

Dende a Plataforma Galega polo Dereito Aborto (PGDA) queremos manifestar o noso rexeitamento ante o feito de que neste ano 2016 o Concello de Vigo vai outorgar, a proposta do PP, á Red Madre o premio de vigueses e viguesas distinguidas.
Red Madre é unha organización apoiada polo ultraconservador Foro Español da Familia que atenta contra os dereitos das mulleres, e que conta ademáis co apoio da Administración pública galega, o que lle permitiu financiar con fondos públicos campañas en contra dos dereitos sexuais e reproductivos das mulleres.(...)

MANIFESTACIÓN: MARTES, 8 DE MARZO AS 8 DA TARDE DESDE A PRAZA DE PORTUGAL

CONCENTRACIÓN o día 14 de xaneiro ás 20:00 horas no MARCO. Contra a transfobia, a homofobia e contra toda discriminación e por unha educación inclusiva que garanta o benestar de todas as persoas...

Fallo estrepitoso o que temos entre as nosas mans, as familias, a escola, a sociedade, medios de comunicación e o propio Estado. Cando un adolescente transexual non ve outra saída que o suicidio é que pola súa mente teñen pasado infinidade de pensamentos, a non aceptación por parte do seu entorno, das institucións, ¡¡das persoas!! A onde chamo? Con quen falo? Quen pode escoitarme? É cruel que a escola falle, que os mecanismos dos que dispoñemos non sexan suficientes, que non se apliquen ata o final os protocolos, que fallemos as persoas, que miremos para o outro lado como se con esa actitude atallemos o problema. Estámolo a ignorar conscientemente. A solución non é fácil, pero si é posible. A aceptación por parte das familias (necesitan información, axuda e formación). O traballo nos centros educativos (sensibilización, traballo en grupo, formación do profesorado, formación do alumnado). Adaptación dos centros, espazos, mensaxes dos medios de comunicación, só é noticia a transexualidade dos nenos e das nenas cando acontecen sucesos como este? E a Administración falla, a xustiza é lenta, falta de sensibilidade, efectos colaterais como usuario/a de servizos, entremedias, ventanillas e ventanillas, dando explicacións repetidamente: son nena pero no meu DNI figura que son neno; son neno pero no meu DNI figura que son nena. Véxome obrigada por elo a utilizar o aseo de nenos no cole, aínda que son nena. E moitas situación similares ao longo do día, do mes, do curso … Por todo isto, FOANPAS convoca unha CONCENTRACIÓN o día 14 de xaneiro ás 20:00 horas no MARCO. Contra a transfobia, a homofobia e contra toda discriminación e por unha educación inclusiva que garanta o benestar de todas as persoas, de todos os nenos e de todas as nenas. Inversión, aposta, educación, educación, educación! Educación para a cidadanía xa! As leis educativas teñen que garantir o cumprimento dos protocolos e o fomento da convivencia sa nos centros educativos. 

A Xunta Directiva de FOANPAS.

Não morremos, somos assassinadas!! (Anulada pela climatologia)

(realizada outro dia)

Por Nós. En Nós. Vota por Nós.

Ao longo destes últimos meses partillamos un camiño. Un camiño que trazamos, percorremos e agora chega ao punto máis importante, a hora de decidir este domingo 20 de decembro se queremos que Galiza siga presente nos debates das Cortes Xerais do Estado ou damos un paso atrás como país.

Sabemos que todas e cada unha das persoas que formamos parte deste proxecto que construímos coas nosas propias mans temos unha arela fundamental: que a nosa voz se escoite alta e clara na defensa das maiorías sociais e do noso pobo. Vivimos temos nos que a mercadotecnia electoral e televisiva, o novo bipartidismo a catro é a nova aposta do sistema para que nada perigue e para que as nacións sen estado perdamos forza no que poda dar de si un suposto debate territorial na próxima lexislatura. 

E sabemos que non estamos dispostas. Que nos rebelamos contra o ditado do estabelecido, contra os guións amañados, contra os aplausos enlatados. 

Desde a Iniciativa pola Unión facemos un chamamento a dar todo o que teñamos, a apurar até o último minuto, para facer realidade o que todas e todos queremos: que a forza do noso pobo teña presenza en Madrid e continúe cun traballo de dúas décadas que colocou Galiza no mapa político do Estado. 

Por iso apelamos a cada un de todas e todo NÓS para que non só votemos este domingo 20 de decembro por NÓS CANDIDATURA GALEGA, se non que difundamos no noso ámbito de amizades, familia, traballo, estudos, a necesidade de apoiarNÓS, de quererNÓS, de votarNÓS. 

É un feito obxectivo recoñecido por todo o mundo que a batalla electoral nas redes sociais é NÓS quen a gaña. É unha realidade incuestionábel que centos de persoas se levan entregado na medida das súas posibilidades a facer unha campaña cooperativa, comunal, solidaria, de todas e todos NÓS. Falta só transformar esta enerxía, esta colaboración, esta capacidade para facernos ver como somos, sen maquillaxes de conveniencia electoral, sen aditivos e sen tutelas, e facelo onde todo se decice, nas urna, con votos. Depende de NÓS.

Recibe unha enorme aperta e non o esquezas: de aquí ao 20D só resta chegar e encher as urnas cun voto de país, en clave galega, na única clave posíbel. A nosa. NÓS.

VOTA NÓS, CANDIDATURA GALEGA.

Unha canción que xa é un himno. PORQUE ESTE SOÑO É NECESARIO PARA UN SOÑO. https://youtu.be/HY8UrbCLCuk

Si, é certo. QUERÉMOLO TODO. https://youtu.be/PenUWkviyDA

#GZtenquestar
#VotaPorNós